نصائح هامه عند شراء شقة
2- متسيبش فرصة لسمسار أو مالك يوهمك أن الشقة لقطة علشان تشتريها.. دول اصحاب مصلحة.. انت اسأل كويس قبل الشراء، ولو اضطريت انك تاخد سمسار أول مرة خدة واعطة حقة.
3- لما تعجبك الشقة اتفاوض على السعر مع المالك وليس السمسار لأن بعض السماسرة يزيد أكثر من المالك لأن نسبته تزيد إذا أتى بسعر جيد للمالك.
4- متشتريش شقة بدون عداد، قيس مقاس شقتك بنفسك الشقة 140متر اتضح ان الصافى حوالى 90 متر فخد معاك متر واحسب مقاس الشقة و متشتريش على الرسم فيه اللي اشترى شقة على مقاييس الرسم والمقاييس الفعلية بعد التنفيذ للاسف كانت فى حدود النصف.
5- حاول بقدر الإمكان تشتري من ناس محل ثقة وليهم مكان وموطن دايم، ولو كانت شركة تتأكد انها شركة لها سمعة طيبة وتعتمد على اعلانات التليفزيون لأن كتير منها كان نصب.
6- لازم تتأكد من سندات الملكية للبائع وهى عبارة عن العقود اللي مع المالك صحيحة ولا لا هل الشقة مشتريها مسجلة ولا بعقد محكوم بصحة ونقاط ولا عقد بصحة توقيع ولا عقد من غير حكم صحة توقيع عليه (وده أخطر الحالات لأنه سهل جدا اصطناعه) هنا في الحالات دي تطلع على أحكام المحاكم اولا..
هل ملكيته بالميراث أو غيره لازم تطلع على إعلام الوراثة الخاص بهم وعددهم ونصيب كل فرد وأن يوقعوا جميعا على هذا العقد وفى حالة وفاة أحد من هؤلاء الورثة لابد أيضا يكون هناك إعلام وراثة له ويوقع جميع الورثة لهذا الوريث.
لازم تتطلع على سندات الملكية كويس جدا علشان متقعش في فخ النصب مش بس كده كمان لازم تتطلع على سند ملكية الأرض تراخيص البناء كويس وتقدر تتاكد من التراخيص المهمة من الحي والأحكام من المحكمة والبيانات من الشهر العقاري.
7- لازم تشترط على البائع انه يقوم بالتنازل عن عداد المياه والكهرباء والغاز فى العقد فى إقرارات منفصلة فى الشهر العقارى وأن يتم التوقيع على العقد أمامك.
8-اهم شئ انك تستلم الشقة بعد التعاقد مباشرة وتتأكد ان ملكيتك بتبقى اقوى بالاستلام ولو التسليم هايكون بعد فترة لازم تختار الشخص اللي يكون قد تعهده لأنه ممكن مايوفيش بإلتزامه وتتعب انت وياه في المحاكم.
لازم كمان تبدأ فورا فى إجراءات تسجيل الشقة كدعوى صحة ونفاذ أو عمل توكيل من البائع فى الشهر العقارى للبيع لك ولو مكانتش مسجلة تلزم البائع بالاقرار بصحة توقيعه على العقد في المحكمة كبند من بنود العقد..
9- فى البيع على أقساط يجب أن تثبت أرقام وتواريخ إيصالات الأمانة أو الشيكات فى العقد حتى لا يطالب بها مرة أخرى منفصلة عن العقد.
10- اوعى تشترى فى دور مخالف غير وارد فى الرخصة بأى حال.
ودي المستندات اللي لازم تطلع عليها وبعد التعاقد تستلمها من البائع ودي جزء لا يتجزأ من العقد وهى:
-مستندات الملكية:أصل عقد البيع المسجل رقم لسنة سند ملكية البائع
-رخصة المبانى:صورة من ترخيص البناء رقم لسنة الصادر من البلدية
-شهادة التمويل أو المشتملات:أصل شهادة بالوصف والمشتملات صادرة من البلدية.
-إيصالات:آخر ايصال دفع للماء والكهرباء والغاز والضرائب بأنواعها
-الرسومات الهندسية: أصل الرسم الهندسى المعتمد من البلدية
-ملحق المواصفات: ملحق عقد موقع من المالك بالشروط والمواصفات العامة والخاصة
11-لا تشترى باى حال من الاحوال شقة غير موجوده او لم تشاهدها على الطبيعة.
12- أهم بيانات عقد بيع الشقة اللي تتأكد منها قبل التوقيع:
-اسم المشتري والبائع كاملا – رقم البطاقة (ويفضل حصول كل طرف علي صورة بطاقة الآخر) – عنوان محل الإقامة كاملا.
- بيان تفصيلي بالمبيع (سواء شقة – أرض فضاء – محل – عقار كامل) وبيان مساحته (العقد يكون مرفوض بالشهر العقاري في حالة وجود عجز أو زيادة بالمساحة المكتوبة بالعقد أعلى من نسبة 10%) .
- بيان عنوان العقار محل البيع بشكل كامل طبقا لرقم العقار بالحي التابع له واسم الشارع والمنطقة والمحافظة ثم بيان عن قطعة الأرض.
- بيان الثمن وكيفية دفعه بشكل واضح.
-بيان بشرح وافٍ عن كيفية تملك البائع للعقار او الشقة المبيعة وذكر كافة العقود المتسلسلة حتى الوصول إلى رقم العقد المسجل القديم للعقار (وفي حالة وجود ورثة ذكر رقم وتاريخ اعلام الوراثة والمحكمة التي أصدرته).
يتم الحصول على صورة من كافة عقود البيع الخاصة بأرض العقار من المالك ويقوم المالك بالتوقيع عليها.
-ذكر رقم وتاريخ رخصة البناء في حالة بيع الشقق والمحلات.
-يجب وجود بند صريح بأن المالك يضمن العيوب الخفية ضمانا كاملا وإقرار بالمسؤولية في حاله ظهور أي عيب خفي بالعقار سواء كان العيب ماديا أو قانونيا.
13- خذ معاك محامي أو على الأقل استشيره وخلية يطلع على كافة التفاصيل
#مؤسسه تاج الدين للاستشارات القانونيةFoundation Tageldein consulation legalities
#المستشار عمرو زيدان تاج الدين
#counsellor Amrzedantagelden
#متخصصون في كتابه كافه العقود لتأسيس الشركات لجميع القضايا المدنيه
مكتبنا امام مجمع محاكم جنوب القاهرة
.للتواصل:01093950433
واتس:01554295049
ليست هناك تعليقات:
إرسال تعليق